O pasado 1 de xullo, Galicia asumiu as funcións e os servizos traspasados pola Administración xeral do Estado en materia de ordenación e xestión do litoral (Decreto 50/25, do 30 de xuño).
Isto supón, de feito, que a Xunta de Galicia, a través desta conselleira, é a competente para a concesión de títulos habilitantes para usos, actividades ou ocupacións no litoral, tanto na zona de servidume de protección como tamén, a partir do 1 de xullo, na zona de dominio público marítimo terrestre e servidume de tránsito.
Co obxectivo de simplificar os trámites para as persoas ou entidades interesadas na obtención destes títulos, temos habilitado en sede electrónica, un procedemento único para as solicitudes de uso ou ocupación no litoral: o procedemento MT701A, dispoñible neste enlace:
https://sede.xunta.gal/de-interese/litoral
Importante: os expedientes iniciados antes do día 1 de xullo e pendentes de resolver pola demarcación de Costas non é necesario volver a solicitalos.
Igualmente, temos á vosa disposición un novo espazo web: Galicia Litoral, con información de interese como o marco legal, preguntas frecuentes, acceso aos procedementos de xestión, documentación necesaria..:
https://www.xunta.gal/medio-ambiente/galicia-litoral
E ademais, para obter axuda e información sobre o citado procedemento, poñemos á vosa disposición un servizo de atención telefónica a través do 012 (premendo a opción 5).
Por último, se o que necesitades é información sobre expedientes en tramitación, temos á vosa disposición os seguintes correos das respectivas direccións territoriais:
litoral.medio-ambiente.coruna@xunta.gal