Seguindo coa mirada posta no inicio do curso escolar 2026-2027, o Concello de Ribeira acometeu a mellora da seguridade viaria na contorna dos centros educativos do Leliadoura, Bayón e O Grupo mediante o pintado da sinalización horizontal despois das tarefas de pavimentación que se levaron a cabo na área de influencia de ditos recintos escolares.

Ademais, pola parte traseira de O Grupo, instaláronse uns badéns para reducir a velocidade dos vehículos nesta vía.

"A seguridade é unha prioridade para este goberno municipal, especialmente, na contorna dos centros de ensinanza; espazos que rexistran un gran volume de transeúntes e de vehículos nas horas de entrada e de saída. Por iso, e pensando especialmente na rapazada, tomamos esta serie de medidas que axuda ao calmado do tráfico e a un tránsito peonil seguro", en palabras da alcaldesa, María Sampedro.