Orientación Laboral

Nova visita á comunudade de Montes de Baroña

2025-07-15T06:23:52Z

Coma sempre que o obradoiro de emprego fai unha visita á Comunidade de Montes de Baroña a actividade resulta ser todo un éxito. Nesta ocasión o alumnado do Tahume X tivo a aportunidade de participar nunhas xornadas, nas que por unha banda descubriron o gran taballo de aproveitamento do monte que realizan na comunidade da man de Ovidio, que tamén nos contou sobre os seus futuros proxectos e puidemos ver a amplitude dos traballos, iniciativas e actividades que dende alí se promoven.

Seguidamente realizamos unha visita guiada tamén polo propio Ovidio, onde observamos in situ como se desenvolve a extracción da resina e descubrimos porque a comunidade de montes de Baroña é potencia resineira e a primeira productora galega.

Por último tamén exploramos a parte gandeira e forestal e pudemos ver o que será o centro de transformación de produtos do monte, todo un privilexio! Moitas grazas por todo a comunidade de monte de Baroña e especialmente a Ovidio por colaborar con nós.

Videoconferencia co Laboratorio Ecosocial do Barbanza

2025-06-02T11:54:15Z

O pasado mes de maio no Obradoiro Tahume X tivemos a sorte de contar con Claudia, técnica do Laboratorio Ecosocial do Barbanza, que a través de videoconferencia informounos dos proxectos que desenvolve a entidade e os seus socios, como a Plataforma para a Defensa do Monte. Estes proxectos teñen como eixo principal a sostentabilidade dos montes galegos e o correcto aproveitamento dos seus recursos.

O alumnado do Obradoiro de Emprego Tahume X participa nunha actividade formativa de poda e plantación de frondosas

2025-04-03T09:53:14Z

Fonte: O Barbanza

26 Marzo 2025

O alumnado do Obradoiro de Emprego Tahume X, da especialidade do Certificado de Actividades Auxiliares en Conservación e Mellora de Montes, continúa avanzando no seu proceso formativo e, nos últimos días, realizou unha actividade de poda e plantación de frondosas, en colaboración da Comunidade de Montes de Baroña.

O alumnado podou diversas árbores autóctonas como castaños, carballos e nogueiras, entre outras, para logo realizar unha práctica de plantación de árbores frondosas onde se encargaron de todo o proceso completo. Así, realizaron as covas, plantaron as árbores e puxeron abono.

Tras a actividade, o alcalde de Porto do Son, Luis Oujo, indicou que “o alumnado continúa aproveitando este programa mixto de formación e emprego con formacións coma esta na que puideron aprender de primeira man a técnica de poda e plantación de frondosas. Ademais, tiveron a sorte de seguir, sempre con gran atención e ao pé da letra, todas as indicación e explicacións de Ovidio co fin de que o traballo saíra o mellor posible”.

O Obradoiro de Emprego Tahume X, impulsado de xeito conxunto polos Concellos de Porto do Son e Ribeira, seguirá colaborando en vindeiras datas coa Comunidade de Montes de Baroña para levar a cabo diferentes actividades e visitas no propio monte de parroquia sonense.

“Estamos moi satisfeitos de poder levar a cabo esta iniciativa que favorece a inserción laboral da veciñanza e impulsa o emprendemento local, ademais de ser unha gran oportunidade para a formación das persoas, promovendo a empregabilidade na comarca”, concluíu o rexedor.

O alumnado do obradoiro de emprego de Porto do Son e Ribeira (Tahume X) mergúllase nas novas tecnoloxías

2025-03-09T08:18:58Z

Fonte: O Brabanza

O alumnado do Obradoiro de Emprego Tahume X, impulsado polos Concellos de Porto do Son e Ribeira para impulsar o inserción laboral na contorna destes municipios do Barbanza, atópase estes días mergullado na vertente máis tecnolóxica da súa formación: o Módulo de Alfabetización Informática da décima edición de Tahume. Este módulo diríxese a dotar ás alumnas e alumnos das competencias dixitais básicas (uso de computadores, ferramentas ofimáticas, correo electrónico, principais aplicacións) que lles permitan mellorar a súa empregabilidade e que lles sirvan de complemento imprescindíbel para a súa actividade profesional futura. Para o seu desenvolvemento, o obradoiro conta coa estreita colaboración da técnica da Aula CeMIT de Ribeira, Rebeca Crujeiras.

Dúas especialidades

O Obradoiro de Emprego Tahume vén na súa décima edición con dúas especialidades de Actividades Auxiliares en Conservación e Mellora de Montes e Traballos de Carpintería e Moble.Este obradoiro laboral é un programa mixto de formación e emprego dirixido a mellorar a ocupabilidade e empregabilidade das persoas que actualmente están paradas, e que está subvencionado pola Consellería de Promoción do Emprego e Igualdade e promovido polos Concellos de Ribeira e Porto do Son, con dez alumnos de cada unha desas localidades. Ademais, como incentivo, a Xunta de Galicia realiza unha achega de 30.000 euros para fomentar a empresas que contraten a persoas formadas neste obradoiro.

Ademais da formación específica de carpintería e forestal, o alumnado recibirá formación en competencias dixitais, igualdade, medio ambiente, orientación laboral ou autoemprego, entre outras. Por outro lado, o alumnado participante que non estea en posesión da Educación Secundaria Obrigatoria (ESO) recibirá formación específica para a súa preparación e obtención.

O Obradoiro de Emprego Tahume X de Porto do Son e Ribeira inicia a súa vertente práctico-laboral

2025-02-22T21:53:38Z

Fonte: O Barbanza

O alumnado do Obradoiro de Emprego Tahume X, impulsado de xeito conxunto polos concellos de Porto do Son e Ribeira, iniciou a súa vertente práctico-laboral nas especialidades de Actividades Auxiliares en Conservación e Mellora de Montes e Traballos de Carpintería e Moble. Segundo informaron os concellos, estes primeiros días de prácticas arrancaron con moita enerxía e cun importante interese por parte das alumnas e alumnos por familiarizárense coas ferramentas e as maquinarias que van empregar para desenvolver as actuacións predeseñadas.

Listaxe de proxectos/obras previstas en Porto do Son neste Obradoiro

– Mantemento das pasarelas de madeira na praia de Coira, Portosín.

– Reparación do peche de madeira do parque infantil da Casa da Cultura de Caamaño.

– Instalación dun peche de madeira para o parque infantil de Nebra.

– Mellora da masa arbórea existente e creación de doutras en zonas desarboradas acorde á súa calidade de estación na parroquia de Miñortos.

– Mellora da masa arbórea existente e creación de doutras en zonas desarboradas acorde á súa calidade de estación no lugar de Trapa, na parroquia de Goiáns.

– Mellora da masa arbórea existente e creación de doutras en zonas desarboradas acorde á súa calidade de estación no lugar de Coira, na parroquia de Goiáns.

– Mellora da masa arbórea existente e creación de doutras en zonas desarboradas acorde á súa calidade de estación no lugar de Arnela, na parroquia de Baroña.

– Mellora da masa arbórea existente e creación de doutras en zonas desarboradas acorde á súa calidade de estación no lugar de Castro, na parroquia de Baroña.

– Mellora da masa arbórea no lugar de Xan Pasal, parroquia de Queiruga.

– Mellora da masa arbórea no lugar de Madanela, parroquia de Ribasieira.

– Mellora da masa arbórea no lugar da Ponte Medieval, parroquia de Xuño

Listaxe de proxectos/obras previstas en Ribeira

– Pasarela de madeira no campo de fútbol do Carreiro en Aguiño

– Renovación dos accesos á pasarela da praia do Castro en Castiñeiras

– Reconstrución da ponte de madeira do río Listres entre Aguiño e Castiñeiras

– Restauración e bancos: Entorno da pasarela da Praia do Castro en Castiñeiras así como outras tarefas en madeira

– Actividades auxiliares en conservación e mellora do Monte de San Roque e do río Pedrín

Este Obradoiro de Emprego Tahume X trátase dun programa mixto de formación e emprego dirixido a mellorar a ocupabilidade e empregabilidade das persoas que actualmente están paradas, e que está subvencionado pola Consellería de Promoción do Emprego e Igualdade e promovido polos Concellos de Ribeira e Porto do Son, con dez alumnos de cada unha desas localidades. Ademais, como incentivo, a Xunta de Galicia realiza unha achega de 30.000 euros para fomentar a empresas que contraten a persoas formadas neste obradoiro.

Visita do Clúster de Biomasa de Galicia a Tahume IX

2024-11-18T11:42:04Z

Neste venres o obradoiro de emprego Tahume IX que está chegando o seu fin, tivo a súa derradeira visita de profesionais externos. Nesta ocasión acompañounos Francisco Álvarez, Presidente do CLÚSTER BIOMASA DE GALICIA e o seu Técnico Sergio Vázquez, que nos realizaron unha presentación e explicación moi enriquecedora, que ademais resultou todo un descubrimento para o alumando do obradoiro, como os seus proxectos que aglutinan a empresas do sector forestal en Galicia para producir biomasa e chegar tanto a fogares particulares coma a institucións públicas para xerar calor natural e impulsar o uso de enerxías renovables.

Ademais de ofrecer formación gratuíta tanto a profesionais como ao público en xeral. Na segunda parte da xornada, gracias a Fran e a Sergio, coñecemos a Santiago da empresa OKOFEN que nos realizou unha visita práctica a sala de caldeiras da Casa de Cultura de Xuño para seguidamente poder visualizar unha demostración da carga no silo que realizaron os traballadores da empresa LIGNUS Peles de Galicia.
Gracias a todos eles o alumnado puido coñecer de primeira man a segunda parte do proceso de trazabilidade dun dos usos da madeira. O que resultou do máis produtivo e abriu un novo abanico de posibilidades profesionais.

Elsa Grille de PEFC Galicia visita o Obradoiro tahume IX

2024-11-13T12:35:38Z

O venres o obradoiro de emprego tivo unha nova visita, nesta ocasión Elsa Grille de PEFC Galicia, selo de montes sostibles de Galicia. Durante a sesión aportáronnos toda a información sobre o significado deste selo para os montes galegos, ademais da súa importancia e valor representado en todos os produtos derivados tanto da madeira como doutros produtos que nos ofrece o bo traballo desenvolvido nos nosos montes.

Tahume IX realizou unhas xornadas de emprendemento como peche do Módulo CTRE0003 de Asesoramento para a creación de empresas

2024-11-06T11:51:34Z

O alumnado tivo a fortuna de contar con Rosa de Espazo Coop que expuxo con gran claridade como funcionan as cooperativas e como se forman, amosando unha forma de emprender ao alcance de todos.

Grazas a ela coñeceuse a experiencia dunha cooperativa formada tras un Obradoiro de Emprego adicada ao sector forestal afincada en Boiro que se chama ARREDA SOOP GALEGA.

Moitas gracias a Aitor e Fran por compartir a súa experiencia que foi do máis enriquecedora para o noso alumnado.

Como colofón final, recibimos a visita de Rafa, da Fundación Ronsel que leva xa varios anos colaborando tanto co concello de Ribeira e de Porto de Son asesorando a moreas de persoas que desexan emprender e montar a súa empresa. E nesta xornada demostrou coma sempre que con gañas e esforzo e sobre todo cunha gran idea pódense facer grandes cousas.

Visita de Laboratorio Ecosocial do Barbanza

2024-10-24T18:53:35Z

No obradoiro Tahume IX tivemos unha visita do máis interesante, co Técnico Adrián Capelo do Laboratorio Ecosocial do Barbanza, onde descubrimos o gran traballo que se desenvolven en varias Comunidades de Montes da nosa contorna, as novas iniciativas, os seus proxectos e perspectivas de futuro.

Obradoiro de emprego Tahume IX

2024-10-02T07:30:45Z

Os obradoiros duais de emprego son programas públicos de formación e emprego (actualmente dependente da consellería de emprego, comercio e inmigración da Xunta de Galicia) no que as persoas traballadoras desempregadas que participen como alumnado reciben unha cualificación profesional ao mesmo tempo que desenvolven un traballo produtivo en actividades de utilidade pública ou de interese social.

O concello de Ribeira e o concello de Porto do Son a través de diferentes convenios levan varios anos solicitando este tipo de programas variando nas especialidades impartidas en cada convocatoria, atendendo á demanda de emprego da zona en cada momento.

Esta última edición é o obradoiro de emprego Tahume IX, cunha duración de 12 meses (do 24 de Novembro de 2023 ao 23 de novembro de 2024), na que se desenvolven 2 especialidades formativas, concretamente correspóndense cos certificados de profesionalidade de:

· Actividades auxiliares en conservación e mellora de montes (AGAR0309)

· Actividades auxiliares en viveiros, xardíns e centros de xardinería (AGAO0108)

Conta cun total de 20 alumnos e alumnas, sendo 10 alumnos para cada especialidade, tamén conta cun equipo directivo e docente que xestiona e desenvolve o obradoiro de emprego.

· Juan Pazos, director do Obradoiro

· Asun Piñeiro, Titora do Obradoiro

· Elena Fernández, administrativa do obradoiro

· Teresa González, experta docente forestal

· Jaime Bernardo Blanco, experto docente xardinería.

Ao longo deste ano, o groso das actuacións en Ribeira realízanse no parque periurbano de San Roque, no campo de fútbol la Fieiteira e nos diferentes parques infantís do concello, por outra banda no concello de Porto do Son, o groso das actuacións son nas zonas cercanas ao colexios, como en Nebra, e o desbroce en puntos de acceso tan importantes como Baroña e Xuño.

Na recta final do obradoiro todavía queda moito por facer, e ademais o alumnado terá visitas de axentes externos entidades destacables no sector cooperativo, social e tamén empresas vinculadas á profesión que desevolve o alumnado.

O programa integrado de emprego visita as instalacións de Frouma

2024-09-25T16:47:05Z

O martes 24, persoas participantes do Programa Integrado de Emprego promovido polo Concello de Ribeira e subvencionado pola Consellería de Emprego, Comercio e Emigración da Xunta de Galicia e polo Servizo Público de Emprego estatal, foron a coñecer de primeira man o Obradoiro Artesanal Frouma Atlantic Wood, gañador do Premio Artesanía de Galicia 2023 coa súa obra Noray, sito no polígono de Xarás en Ribeira.

Esta actividade enmarcada no programa pretende dar a coñecer a experiencia de primeira man de emprendedores da contorna que foron usuarios do servizo de asesoramento que mantén dende o ano 2019 o Concello de Ribeira a través da Fundación Ronsel e o seu asesor cunha dilatada experiencia Rafael Vázquez.

Fran Millán creador deste proxecto nos ilustrou sobre a importancia do tempo a través da transformación da madeira de batea en mobles de uso cotiá, explicoulles a súa propia experiencia nos seus inicios aprendendo o oficio co seu pai e proseguindo o seu proxecto no transcurso dos anos no que o fío condutor está baseado na sustentabilidade e na economía circular.

As persoas participantes do Programa Integrado acompañados polo persoal técnico do programa e pola concelleira de Emprego, Veva Betanzos presenciaron de primeira man a rastrexabilidade da madeira de batea; dende que chega ao porto ata que sae transformada nun moble artesán de Frouma Atlantic Wood.

Neste caso o proxecto de Fran Millán está sendo ademais moi ben acollido coma un exemplo de empresa concienciada cun futuro sostible que nos permita a todos e todas poder vivir en consonancia co nosa entorna e cunha mensaxe para os emprendedores "de que é posible innovar dende Ribeira".

O programa Integrado de Emprego vense desenvolvendo dende novembro do ano pasado e rematará en novembro do presente ano. O obxectivo fundamental é a mellora da empregabilidade das 100 persoas participantes mediante a formación con cursos do catálogo do SEPE; coma talleres de diferentes temáticas, coma a búsqueda activa de emprego, xestións coa administración pública, mellora das competencias dixitais ademais de prácticas profesionais non laborais e contacto continuado con empresas da zona que requiren pesoal.