De conformidade co previsto no artigo 9.3 da lei 38/2003, de 17 de novembro, xeral de subvencións, publícanse as bases reguladoras das axudas económicas individuais para favorecer a autonomía persoal e a accesibilidade, ano 2025.
Ribeira suma un novo veciño centenario: Manuel Fernández Argibay, quen no 17 de maio soprou o número 100. A alcaldesa, María Sampedro, e o concelleiro de Servizos Sociais, Vicente Mariño, desprazáronse ata o domicilio familiar na Amarella para trasladarlle a súa felicitación en persoa e facerlle entrega duns obsequios consistentes nun ramo de flores e unha placa de recoñecemento polo seu aniversario.
"É unha ledicia ver aos nosos maiores entrar nos 100 anos con esa vitalidade que lle permite a idade e ver que aínda continúan activos física e mentalmente, levando un envellecemento saudable", en palabras da rexedora.
Agora desfruta dos paseos por Coroso e da súa familia, con quen festexou a benvida ao centenario nun xantar.
