Suárez-Puerta presentou o Exame da Plataforma EMA que se celebrará o vindeiro mércores, día 29 de Xaneiro, de 11:00 a 12:00 h, “son probas que se teñen que facer de forma presencial nas aulas CeMIT, exclusivas para as persoas que terminaron os cursos de teleformación na plataforma EMA” afirmou Suárez-Puerta

A plataforma EMA (Espazo Multimedia de Aprendizaxe) é unha plataforma de autoformación na que, a través da páxina https://formacion-cemit.xunta.gal, os usuarios da rede CeMIT poden facer cursos online con dereito a diploma. Unha vez rematados os cursos (un ou máis de un), para acadar dito diploma deben facer o/os exame/s nunha Aula CeMIT o día que a aula teña reservado para o “Exame da Plataforma EMA”.

Dentro da páxina da plataforma, hai 2 apartados dispoñibles para os usuarios:

Un apartado chamado “Competencias Dixitais” no que o usuario pode facer os 6 cursos que compoñen a Autoformación COMDIX, e ó rematalos, acadar un Diploma de aproveitamento facendo o Exame da Plataforma EMA nun Aula CeMIT.

Outro apartado chamado “Catálogo de Cursos”, nos que hai dispoñibles unha gran variedade de cursos segundo a categoría que se elixa: 

· Alfabetización dixital:

· Formación dixital básica: inclúense cursos como “Prevención de riscos”.

· Seguridade TIC básica: cursos como “Control parental”, “Seguridade informática”.

· Dispositivos móbiles: cursos como “Emprego do móbil”, cursos para uso das tabletas, libros electrónicos, cámaras dixitais.

· Capacitación dixital:

· Capacitación avanzadas: “Cloud computing”, “Xogos de adestramento mental”.

· Formación a empresarios e emprendedores: “Comercio electrónico”, “Mercadotecnia”.

· eAdministración: “Administración electrónica”, “Factura electrónica”.

· Redes sociais: “Creación de blogs”, “Posicionamento social”.

· Ocio e operacións dixitais: “Seguridade nas compras virtuais”.

· Imaxe, audio e vídeo: “Edición de imaxe”, “Montaxe de audio”, “Montaxe e creación de vídeo”.

· Seguridade TIC avanzada: “Seguridade informática”.

· Ofimática – LibreOffice: “Tratamento de textos con Writer”, “Follas de cálculo con Calc”, “Bases de datos con Base”, “Presentacións con Impress”

· Innovación social: inclúe un curso de “Innovación Social”

Tamén informou que durante todo o mes de febreiro do luns día 3 ao Xoves día 27 (agás os venres) terá lugar o Curso de Competencias Dixitais Básicas (25 horas) - De 10:00 a 11:30 h.

· Distintas versións e sistemas operativos dispoñibles.

· Inicio, apagado, hibernación.

· Programas básicos (navegadores, explorador de arquivos, visor de imaxes, pestañas, historial, favoritos, páxinas de inicio, buscadores preferidos, borrado de caché...).

· Xestión de arquivos e cartafoles; así como aprender a diferenciar as extensións (distintos formatos de arquivos) máis comúns: pdf, doc, docx, jpg, gif, png…

· Correo electrónico, videoconferencias básicas, identidade dixital...

· Ferramentas ofimáticas básicas (procesador de textos, follas de cálculo, presentacións...).

· Seguridade: Rutinas para unha navegación segura, antivirus.

· Mantemento do sistema operativo (actualizacións, limpezas).

Pola outra banda concelleira, Genoveva anunciou os diferentes cursos que se impartirán na aula CeMIT correspondentes ao obradoiro Tahume X  e o PIE (Programa Integrado de Emprego do Concello de Ribeira):

Tódolos venres – Desde o 31 de Xaneiro ata o 21 de Marzo:

Curso de Alfabetización Informática para os usuarios do Obradoiro “Tahúme” (36 horas) -De 09:00 a 13:00 h.

· Sistemas operativos: funcións principais.

· Periféricos: tipos, conexión e configuración.

· Concepto e tipos de archivos: de configuración, de sistema, de programas, de texto...

· Visualización de arquivos e carpetas: modos, propiedades.

· Impresión e escaneo de documentos.

· Traballo en rede. Iniciación ao Drive.

· Correo electrónico e Internet. Búsquedas avanzadas. Trucos de búsquedas.

· Programas e aplicacións de ofimática: editor de texto (Writer), folla de cálculo (Calc) e presentacións (Impress)

Marzo – Cursos para o “Programa Integrado de Emprego do Concello de Ribeira” 

Levaranse a cabo 2 cursos intensivos de Informática Básica (nivel 1) para os novos usuarios do Programa Integrado de Emprego do Concello de Ribeira (16 horas cada un):

1º Grupo – Do Luns 10 ao Xoves 13 de Marzo (De 09:15 a 13:15 h.) - Curso Informática Básica

2º Grupo – Do Luns 16 ao Xoves 20 de Marzo (De 09:15 a 13:15 h.) - Curso Informática Básica.

Entre as materias a aprender atópanse as seguintes:

· Aprender a diferenciar e a usar as diferentes partes ou compoñentes do ordenador.

· Aprender a utilizar as distintas aplicacións e programas instalados (sobre todo LibreOffice: writer, calc, impress).

· Aprender a navegar pola red de forma segura, manexo do buscador Google, correo electrónico e Drive.

· Aprender o manexo das distintas ferramentas para a búsqueda activa de emprego a través da rede, envío/elaboración do currículo, autocandidaturas...

Suárez-Puerta pechou o acto dando as grazas á veciñanza polo interés que despertan estes cursos, pola súa aceptación e sinalou que “sempre se atenderá á demanda específica e contextual para avanzar no nivel de dixitalización dos veciños e veciñas”.