O prazo para anotarse remata o xoves 12 de xuño ás 12.00 h.
Ribeira 3 de xuño de 2025. — O domingo 15 de xuño, a Concellería de Deportes do Concello de Ribeira, en colaboración co Club Os Saltamontes e Asociación de Veciños de Carreira, vai organizar o tradicional “Día da Bici”.
Á presentación de hoxe asistiron o concelleiro de Deportes, Xabier Vídal xunto ás concelleiras de Cultura e Educación, Juan Santos, responsable do Club Saltamontes e os técnicos de deportes do Concello de Ribeira.
Vidal sinalou que é unha actividade lúdico-recreativa, “aberta a persoas de tódalas idades, na cal se intenta fomentar e reivindicar o uso da bicicleta”.
A actividade vaise a concentrar na praza de España, a retirada de dorsais será a partir das 10:00 h da mañá para dar paso a saída ás 11:00 h. que fará un percorrido urbano ao redor de 5 kms.
Haberá inchables para os nenos e nenas, un avituallamento e sorteos. O concelleiro recordou que “será obrigatorio o uso de casco e levar as bicicletas nas mellores condicións posibles”. Vidal falou do obxectivo desta actividade, “que os máis novos se vaian familiarizando con este medio de transporte, tamén unha aposta pola saúde, a practica deportiva, o medio ambiente e pola mobilidade sostible”.
Para finalizar o concelleiro, agradeceu a implicación no evento do Club Saltamontes, ao GAEM e a Policía Local e ás tendas Sport BiKe e Dalle ao Pedal pola súa colaboración, ademais de “animar á veciñanza a participar nesta festa da bici”.
Por outra banda Juan Santos do Club Saltamontes recomendou seguir as normas do evento ”para gozar do día coa máxima seguridade”.
Para facer a inscrición, no formulario web: https://forms.gle/ttihhZV8ZKZ4yGuk7 ou entrando na web do concello.
Programa do día: de 10.00 h. a 10.50 h.
Retirada do dorsal no punto de saída na Praza de España.
10:00 horas retirada de dorsais
11.00 h. saída e percorrido urbano polas rúas de Ribeira, paralelamente ás 11.05 h. dará comezo os inchables para os máis pequenos.
12.15/ 12.30 h. chegada a praza de España, ás 12.30 avituallamento e sorteo de agasallos entre os participantes.
** Os horarios anteriores son orientativos**
Recomendacións da organización:
· Intentar levar a bicicleta nas mellores condicións posibles.
· Unha vez en ruta, cumprir as normas do regulamento xeral de circulación (non invadir o carril contrario, non utilizar as beirarrúas como vía, …).
· Facer caso en todo momento das indicacións da organización.
· Non hai unha idade mínima para participar na actividade, o que si recomenda a organización é que os país valoren as condicións físicas e técnicas dos seus fillos a hora de afrontar o percorrido (aprox. Uns 5 km), podendo os máis pequenos quedar na Praza de España nos inchables.
Importante:
Para poder participar na actividade e nos sorteos, é necesario anotarse previamente no formulario habilitado na páxina web do Concello de Ribeira.
O prazo para anotarse remata o xoves 12 de xuño ás 12.00 h.
O casco é obrigatorio.
A Concellería de Deportes do Concello de Ribeira quere agradecer a colaboración de:
Club os Saltamontes.
A.A.V.V. de Carreira.
GAEM Ribeira.
Policía Local Ribeira.
As tendas de bicicletas: Sportbike e Dalle Pedal.
Percorrido: Polas rúas de Ribeira, con saída e chegada dende a praza de España.
O percorrido está catalogado de dificultade física e técnica baixa,.
