Aguiño celebrou unha nova edición da súa xa tradicional Festa da Navalla, que este ano cumpre a súa novena edición cunha oferta gastronómica e cultural que atraerá a veciños e visitantes.
O evento contou con 450 quilos de navalla, 180 quilos de sardiña, ademais de empanada, viños e refrescos para todas as persoas asistentes. A música tamén tivo un papel protagonista, cunha actuación do grupo de música “Chiña” e da formación “Habelas Hailas”, que animaron a xornada.
O concelleiro de Mar, Fernando Abraldes, destacou “o traballo e esforzo dos navalleiros, que fan posible que esta festa sexa unha realidade ano tras ano” e puxo en valor “a altísima calidade dos produtos do noso mar, que son recoñecidos non só a nivel galego, senón tamén fóra das nosas fronteiras”.
Pola súa parte, o alcalde, Luís Pérez, salientou que “o Concello apoia decididamente esta cita gastronómica, que xa é un referente no calendario festivo da comarca e un motor para a hostalaría e o turismo local”. Engadiu ademais que “o sector do mar é un dos piares fundamentais da economía ribeirense, xerando emprego, riqueza e identidade para a nosa vila”.
A IX Festa da Navalla de Aguiño xa é unha xornada de sabor e que pon en valor os produtos do mar.
