LIBRA STUDIO inaugurou o seu local en rúa Galicia 62, Ribeira, e ofrece servizos de manicura e pedicura de alta calidade (desde manicuras clásicas a deseños creativos) así como servizos de depilación facial.

O Programa Integrado de Emprego 2024-25 promovido polo Concello de Ribeira e subvencionado pola Consellería de Emprego, Comercio e Emigración da Xunta de Galicia e o Servizo Público de Emprego Estatal, dá a benvida a este novo proxecto empresarial da man de Lara Pérez Pérez, participante do mesmo e que se beneficiou do asesoramento cara o emprendemento, con asistencia a mentorías especializadas grazas á Fundación Ronsel, as cales son de gran axuda para as persoas emprendedoras para definir a misión e os obxectivos dos seus proxectos, reducir o risco de fracaso, coñecer as posibilidades de financiamento...

Dende o programa integrado de emprego do Concello de Ribeira animamos a todas as persoas demandantes de emprego a que soliciten información do mesmo no teléfono 669 150 809 ou cubrindo o formulario de contacto: https://forms.gle/N7gznSSi9kT6HDrJ6