Co fin de poder abrir un período de preinscrición para estes campamentos, proponse a aprobación dunha normativa de admisión así como dos prezos públicos de matrícula que deberán aboar os participantes –a través da modalidade de autoliquidación-- unha vez confirmada a súa reserva de praza correspondente, no período que se estableza e achegando a documentación requirida.
E polo tanto establécense os seguintes prezos e modalidades de matrícula pola asistencia a ditas actividades:
 

CONCILIACIÓN DO VERÁN 2025:
- Campamento de verán “Xoga con Nós”:
Prezo de Matrícula: Xullo: 85 € - Agosto: 85 € - Xullo e Agosto: 150 €

- Campamento de inglés “Summer Camp”:
Prezo de Matrícula: Xullo: 95 € - Agosto: 95 € - Xullo e Agosto: 170 €

- Campamento urbano:
Prezo de Matrícula: 42 €

- Verán completo:
Xullo e Agosto de “Xoga con Nós” + Campamento urbano: 180 €
Xullo e Agosto de “Summer Camp” + Campamento urbano: 200 €

CONCILIACIÓN NADAL 2025:
- Campamento “Nadal Concilia”:
Prezo de matrícula: 40 €

Ademais interesados en contribuír na diminución do esforzo que pode representar para familias incluídas dentro dos colectivos vulnerables para facilitar a participación nestas actividades con prezo público deste programa, proponse a aplicación dun desconto do 20% sobre o importe de matrícula aos fillos/as das familias que reúnan algunha das seguintes condicións ou circunstancias, e así o acrediten previamente mediante a aportación dos documentos pertinentes (non serán acumulativos no caso de darse máis dunha circunstancia):
- Familias que teñan o TÍTULO DE FAMILIA NUMEROSA.
- Familias acolledoras oumonoparentais que o acrediten documentalmente co certificado oficial.
- Familias con dous ou máis inscritos/as nesta actividade: o desconto aplicaríase na matrícula do segundo fillo/a
e sucesivos.
- Familias nas que, ao menos, un dos seus membros sexa DESEMPREGADO/A DE LONGA DURACIÓN (que teñan acreditado un período de inscrición ininterrompido como desempregados/as na oficina de emprego de 180 días se fosen menores de 25 anos ou de 45 ou máis anos de idade, e de 365 días se fosen maiores de 25 e menores de 45 anos de idade, debendo presentar vida laboral e/ou certificado de períodos de inscrición na Oficina de Emprego).
- Familias nas que o propio participante acredite unha DISCAPACIDADE DE AO MENOS O 33% (acreditando tal condición co certificado de discapacidade).

Na mesma liña proponse a reserva do 10% das prazas dos campamentos (bonificación 100% taxas) para emerxencia social (12 para Xoga con Nós, 3 para Summer Camp, 5 para campamento urbano, 8 para Nadal), estando estes participantes exentos do pago da matrícula correspondente. Estes participantes deberán derivarse dende a área dos Servizos Sociais Comunitarios do Concello de Ribeira a través dun informe ou relación detallada elaborada polos profesionais do departamento.

Polo tanto, o ingreso máximo por prezo público de matrícula sería:

En canto ao custo deste servizo, adxudicouse á empresa Golfiño Xestión de Ocio S.L. á aprobación da prórroga para o ano 2025 tal e como consta no Decreto de Alcaldía do 11/04/2025 de “Campamentos de conciliación do verán e nadal cultural no Concello de Ribeira”, e tomando como referencia o prego técnico establécense as seguintes estimacións para o período que engloba esta proposta (verán 2025 e Nadal Cultural 2025/26):

Entendemos que co fin de chegar ao maior número de familias e tendo en conta o momento actual en canto á economía das mesmas, débese propoñer un prezo público accesible para a cidadanía, solicitando ao Concello que achegue a restante financiación para cubrir o custo total desta actividade de gran demanda da poboación, tal e como contempla a ordenanza municipal C3 reguladora do prezo público por impartición de cursos, ludotecas, viaxes, campamentos xuvenís e outra actividade de carácter deportivo e sociocultural nos artigos 4.2 e 4.4 da ordenanza.

NORMATIVA DE ADMISIÓN E CARACTERÍSTICAS DO CAMPAMENTO: PRAZAS, DATAS, LUGAR.
CAMPAMENTO DE VERÁN “XOGA CON NÓS”
Período: do 1 de xullo ao 29 de agosto de 2025 (41 días).
Número de prazas: 120 participantes. Agrupamentos de máximo 30 participantes.
Destinatarios: Nenas e nenos nados de 2016 a 2021.
Lugar de celebración: Espazo a determinar polo Concello de Ribeira.
O horario: de 09:00 h. a 14:00 h.

CAMPAMENTO DE INGLÉS “SUMMER CAMP”
Período: do 1 de xullo ao 29 de agosto de 2025 (41 días).
Prazas: 30 participantes.
Destinatarios: Nenas e nenos nados de 2012 a 2015.
Lugar: Espazo a determinar polo Concello de Ribeira.
Horario: de 09:00 h. a 14:00 h.

CAMPAMENTO URBANO
Períodos: Do 23 ao 30 de xuño de 2025 e do 1 ao 5 de setembro de 2025 (11 días).
Prazas: 50 participantes.
Destinatarios: Nenos e nenas nados de 2012 a 2021.
Lugar: Espazo a determinar polo Concello de Ribeira.
Horario: de 09:00 h. a 14:00 h.

CAMPAMENTO MULTIDISCIPLINAR “NADAL CONCILIA”
Período: do 23 de decembro de 2025 a 5 xaneiro de 2026 (8 días).
Número de prazas: 75 participantes.
Destinatarios: Nenos e nenas nados de 2016 a 2021
Lugar de celebración: Espazo a determinar polo Concello de Ribeira.
Horario: de 09:00 h. a 14:00 h.

Admisión de participantes con diversidade funcional:
As persoas que teñan unha discapacidade igual ou superior ao 33% poderán participar nesta
convocatoria cumprindo os seguintes requisitos:
- Facer constar a súa condición no impreso de solicitude, co fin de planificar os apoios persoais
necesarios, se os precisara.
- Presentar o certificado oficial de grao de discapacidade no momento da solicitude e que no
mesmo non se recolla a necesidade de axuda dunha terceira persoa.

- Ter capacidade de integración nun grupo e que as súas limitacións e/ou necesidades especiais
lles permitan participar e beneficiarse das actividades que se van desenvolver.
- Non presentar trastornos que poidan alterar a convivencia durante o transcurso da actividade.
- Ter unha capacidade mínima de comunicación e de participación nas actividades que se van
desenvolver.

PRAZOS E FORMA DE PRESENTACIÓN DE SOLICITUDES:
Ábrese un prazo de preinscrición do 30 de maio ao 12 de xuño de 2025 (para os campamentos de
verán) e do 20 de novembro ao 03 de decembro de 2025 (para os campamentos de Nadal), período no que poderán anotarse todas as persoas interesadas que cumpran os requisitos establecidos cubrindo a ficha de inscrición xunto coa documentación obrigatoria correspondente.
As solicitudes faranse a través do Rexistro Xeral do Concello de Ribeira. Deberase realizar un rexistro por cada participante a inscribir aos efectos de que cada un deles dispoña do seu correspondente nº de solicitude:

• De maneira presencial na Oficina de Ateción ao Cidadán (OAC) Casa do Concello(Antigo
Auditorio) e Departamento de Servizos Sociais, Praza 8 de marzo s/n baixo Ribeira.
(Horario de aatención ao público de 9.00 h. a 14.00 h.) presentando a ficha de inscrición cuberta,
folla de autorización, copia do DNI do participante e do pai/nai/titor e demais documentación
esixida.
• De forma telemática (necesario certificado dixital) a partir das 9:00 h do primeiro día de prazo. a través da web www.ribeira.gal no seguinte apartado – SEDE ELECTRÓNICA- TRÁMITES DESTACADOS

· SOLICITUDE XENÉRICA. Deberase tramitar a solicitude de carácter xeral e axuntar a ese
procedemento a ficha de inscrición cuberta, folla de autorización asinada, copia do DNI do
participante e do pai/nai/titor e demais documentación esixida.
Documentación OBRIGATORIA necesaria para a realizar a solicitude:
- Ficha de inscrición debidamente cuberta (Anexo I) indicando CAMPAMENTO ELEXIDO
- Autorización de participación debidamente cuberta (Anexo II).
- DNI ou folla do libro de familia correspondente ao participante.
- DNI do pai/nai/titor responsable.
- Certificado de empresa (si corresponde, de cada proxenitor) para ter en conta o criterio da
prioridade na admisión (se non se presenta acompañando á solicitude en prazo non se terá en
conta e non poderá ser emendado cara ao criterio de prioridade na admisión).
- Se ten dereito a bonificación do prezo da matrícula deberá presentar ademais copia da
documentación acreditativa: título de familia numerosa, certificación de familia acolledora,
certificación de discapacidade, certificación de monoparentalidade, acreditación de desemprego
de longa duración, etc.

LISTAXES DE ADMISIÓN E AGARDA:
Para os campamentos de verán as listaxes de admisión, agarda e vacantes publicaranse o 16 de xuño, e para os campamentos de Nadal publicaranse o 12 de decembro. As listaxes publicaranse na páxina web do Concello de Ribeira, www.ribeira.gal. Tendo en conta a protección de datos de carácter persoal, na lista publicarase o nº de rexistro de entrada da solicitude.
Os requisitos de prioridade para a participación, en caso de superar as prazas ofertadas, serán os seguintes por orde de prelación:

- Persoas empadroadas no municipio de Ribeira.
- Vítimas de violencia de xénero con menores a cargo.
- Familias con ambos cónxuxes traballadores, ou monoparentais traballando durante ese período.
- Familias nas que traballe un dos proxenitores.
- Unidades familiares nas que existan outras cargas relacionadas cos coidados (persoas dependentes,
ingresos hospitalarios, etc.)
- Mulleres en situación de desemprego que estean o vaian a realizar accións formativas nese período.
- Familia numerosa.
- Por rigorosa orde de inscrición segundo o número do Rexistro.
Se quedasen solicitudes en agarda iranse cubrindo as baixas por orde de inscrición segundo a listaxe de espera. Nestes casos o departamento de servizos sociais contactará previamente co solicitante para comunicarlle dita circunstancia e confirmar o seu interese por participar na actividade.
Se quedasen prazas vacantes dispoñibles, poderanse facer novas inscricións dos xeitos anteriormente citados nos prazos a determinar pola Concellería de Servizos Sociais, sendo cubertas as vacantes por rigorosa orde de solicitude.

PRAZOS E FORMAS DE PAGO:
As persoas que aparezan como admitidas na listaxe deberán realizar o pagamento do importe correspondente (con ou sen bonificación) mediante autoliquidación do 17 ao 21 de xuño (para os campamentos de verán) e do 19 ao 22 de decembro (para os campamentos de Nadal). Aqueles participantes admitidos que non realicen o pago neses prazos non poderán asistir á actividade e serán dados de baixa en beneficio da listaxe de agarda.

*INSTRUCCIÓNS DE REALIZACIÓN DE PAGO: Entrar na web municipal www.ribeira.gal, no apartado SEDE ELECTRÓNICA-TRÁMITES DESCATADOS - AUTOLIQUIDACIÓNS, e cubrir os datos que se requiren para o “TRIBUTO: PREZO PÚBLICO ACTIVIDADES CULTURAIS” seleccionando no apartado datos de cálculo: Tipo de actividade: opción do campamento correspondente – meses inscritos – bonificación: si ou non”. O pago poderá facerse directamente a través da opción PAGAR ONLINE ou IMPRIMIR RECIBO e realizalo na sucursal bancaria ou no seu caixeiro. Importante: antes de realizar o pago deberase verificar que o importe que se amosa na pantalla corresponde co da modalidade de campamento escollida. Unha vez realizado o pagamento deberase entregar a xustificante do mesmo ao monitorado o día de comezo da actividade;
será requisito indispensable para o acceso e participación na actividade, senón non poderán entrar.